Guder Daag Blog Leser! Selle Woch hawwich widder en Video Blog Poscht gemacht. Ich waar selle Wochend heem uff re Bauerei un ich hab en katze Video gemacht. Nau kannscht du mei Heemet sehne! Do iss en Link zu re Video:
Alles was mer fer Pennsylvaanisch Deitsch braucht!
PA Dutch 101 
Hi Doug,
Sell Video hot mich arrig gut g’falle! 6 Hennen seller Hinkelrasse oder besser g’satt Hybrid haww ich aa, ich glawwe, sie sinn rode g’schlechtsverbundene Hennen, oder? Ich kann awwer kee Welschhinkel zsamme mit’n Hinkeln haalde weil die Welschhinkel Blackhead vun’n Hinkeln grieye un dann verrecke. Giwwt’s Forellen in Irish Crick? Aaf mei ehemalige Arewetsblaatz hemmer aa Grumbiere grobn muesse un zwar mit einre Maschine seller Art. Habt dihr Probleme mit’m Grumbierkaefer? Mei ehemalige Arewet war Forschungsspezialist in Entomologie also kenn ich den Grumbierekaefer arrig gut!
Nee Jack, selles Yaahr hemmer gaar ken Broblem mit Grummbierekaefer. Gott sei dank!
Dann habt dihr Glick g’hatt! In some Yaahre fressen selle Kaefer die ganze Blaanze aaf, den Schtamm aa! Un wenn sell bassiere duht, nadierlich griegmer kee g’scheite Grummbiere nit! Selle Viecher henn aa Resistenz gegge viele Insektizids entwickelt un sinn arrig schwer zu b’kaempfe.
Hallo Doug!
Wie immer hosch Du ja eppes Wunnerbares g’macht mit dei’m Blog un Video! Du hosch au e paar schöne Erinnerunge aus mein’re Kindheet wied’r ins Lewe g’weckt: in d’r Nähe vun mi in dene South Hills vun Pittsburgh hot’s früher e Bauernhof g’ewe, vun d’r Familie Schultz, wu ma Gäule, Kühle, sowie au Felder, Wiese un Aue (Mulde hot’s au g’ewe, net richtige Täler, weil’s net so hoch un tief g’lege isch, awwer e schön’s Stückle Ärd‘ isch’s ja g’wä! Mer hän oweds im Sommer die Kühle g’füttert. Wie i no ganz jung g’wä bi‘, hän i un mei Bruder zu dene Cubscouts g’hört, un e Verwandte vum Bauer Schultz, die Frau Schultz (i glaub‘, die isch sei Schweschder g’wä) hot e paarmol e gleene Geiss zum Vorzeige mitg’bracht! Jetzt isch schier jedes Stückle dem „Development“ verfalle. Net zu weit vun uns isch Somerset Kaundi (sellre Schreibweise find‘ i ee’malig!) wu die Amischleit wuhne. Die Frau Brenneman (die Old Order Amisch isch) hot mi vor viele Johr‘ g’holfe, indem se für mi ‚n Exemplar vum „Ausbund“ und sogar vum „Märtyrer Spiegel“ uff Hochdeutsch g’funne hot. Däs schätz‘ i freili‘ no, un no schöner senn mei Erinnerunge an die Landschaft dort. Däs Häusle vun Dein’re Familie isch echt wunnerbar, un sieht recht b’häwig aus! I ka‘ mi vorstelle, do hosch Du mit Dei Liewe viele g’mütliche Stunde verbrocht, gell net?!
Übrigens, mer sage au Grumbiere statt Kartoffel, so hot se mei Opa g’nannt, awwer mei Freind Schorsch aus Deggendorf hot se immer „Erdapfi“ g’nannt, weil `r richtig’s Boarisch (Bayrisch) „g’schmatzt“ hot! I schwätz net gut Boarisch, awwer däs haww i früher (zur Akkordeonbegleitung) g’sunge un haww au sogar g’jodelt. Heitzutag‘ awwer mach‘ i so eppes net: au die Lederhose haww i net meh. Die Musik awwer mag i no, un hin un wieder duh i no e bissele jodele. Die Frau Brenneman hot so eppes ger‘ g’hat, un se hot g’saat, se wünsche nur, se könne au mitmache!
Nu, mei „Kommendar“ isch nomols zu lang g’worre—Danke nomols für Dei Blog.
Es grüsst Di beschdens un wünscht Di, Dei Fraa, Dei Döchterle un alle Dei Liewe–wenn au unbekannterweise–alles Gute
Jim Kramer
(Seller Pittsburgher Kerl)
Jim,
Gross dank fer dei Poscht. Ich weess as ich oft net eppes zerick schreib wann du en Comment losst. Es dutt mir leed! Ich les yede Comment as du schreibscht. Sei so gut un schreib mol weiter! Ich bin froh zu wisse as Leit lest mei Blog.
-Doug
Hallo. Ich komm aus Deitschland un han heit dei Video gesiehn. Ich hoff du kannsch das lese. ich wohn in Kaiserslautern in rheinland-pfalz. Is schen zu siehn das es leit gebt, die die Tradition hochhalle. Hoffentlich machsche noch mehr Videos.
Gruß Patrick Heintz
Hi there. I’m from Germany and I have now seen your video. Hopefully you can read this. I live in Kaiserslautern, in Rhineland-Palatinate. Is nice to see that there are people who still live the tradition. make more such videos. Greeting Patrick Heintz
Guder Daag Patrick! Gross Dank fer dei Comment. Ich hab viel meh Videos uff mei YouTube channel. Die sin net all uff Deitsch, awwer ich hab en ganze Video Series gemacht fer Leit, die Deitsch lanne welle. Mei YouTube Channel iss: https://www.youtube.com/channel/UCS6WhaPEcpiLAPmq6ZI018g
Mach’s gut!
-Doug