Guder Daag Blog Leser! Well, ich bin arrig mied. Ich hab der ganze Daag mit Faasnachts gebrocht. Dinschdaag iss Faasnacht, un weil ich muss uff re Arewet geh, hawwich mei Faasnachtkuche heit gemacht. Eigetlich, hawwich gschdrowed aagfange. Do sin ee paar Pickders vun Aafang bis es End.
Nau iss all unsre Arewet widder faddig fer en anneres Yaahr. Mariye ess ich ee paar mit mei Kaffie.
PA Dutch 101 
In insrer Karrich feiern mir Fassnacht mit ‘nem Chili Cook-off! Ich kann zwar nix koche, awwer esse kann ich scho! Der Kall oder Weibleit, der/die hot die beeschde Chili g’kocht, grickt een Prize.
Hallo liewer Doug, un schönschde Grüsse a’ Di un Dei Familie!
So schöne Erinnerunge hosch mi nomols g’bracht! Mei Mutter hot au sellre Sächele g’brate awwer nur ee’mol im Johr, weil se immer g’saat hot, sell koscht zu viel Arweet un Zeet! Mutter `re Faschtnachts hän so herrli‘ g’schmeckt: wu i no glee g’wä bi‘, haww i se immer in e Tässle Schwarzkaffee ei’g’taucht, un mei, isch däs eppes ! Schad isch’s awwer, dass weder i no mei Schweschder hän Mutters Rezeptle dofür g’funne—i glaub‘ ja, die hot se aus’m G’dächtnis hervorg’rufe un uffg’zaubert!
Nomols beschde Dank für Dei schöne Blogs un Bildle! Du hosch’s grosse Glück: e gute Frau, e liewwe Töchterle un e gute Familie dezu. Dei Opa hot mi sogar e bissele an mei Opa Kraemer erinnert: der isch so e luschdig’r Ma‘ g’wä, un wu er jung g’wä isch, hot er e Millichwage vun Gäule g’zoge für Fikes un dann no später Colteryahn Molkereie g’fahre—un mit alle Leit uns’re Mundart g’schwätzt. Sei Füherschei‘ isch unter dene erschde in ganz Pennsylvania: mein’r hot z.B. 8 Zahle dra‘ (i bi‘ unter 19 000 000 Autofahrer in PA), sein’r hot bloss 3 Zahle dra‘ g’hot! Nu, mei Schreiwwe wird scho wied’r zu lang. Danke für älls, was Du do machscht, um Deitsch un Kultur zu pflege!
Schönschde Grüssle aus d’r „Burg“!!
Jim Kramer
Seller Pittsburgher Kerl
Ich gleich dein Blog arrich. Dei Faasnachts rieche bis Deitschland!!! Mir hen deheem die Faasnachts net gschnidde. Mei Mutter hot Tasse zum ausschteche genumme.
An Faasnacht war ich in meiner Heemet, Buchen (Odenwald), wu eier Partnerschul iss. Mir hen viel Gschpass katt.