Guder Daag Blog Leser! Well, do kummt en katze Poscht iwwer mei Video Project. Ich hab en neie Website gemacht wu alles fer mei Video Project iss. Datt sin Links zu de Videos un aa Links zu de Power Point Presentations. Wann dihr epper kennt der Deitsch lanne will, seid so gut un gebt en odder ihr selle Addresse: http://padutch101.wikispaces.com.
Bis es naegschdes Mol, macht’s gut!
PA Dutch 101 
Danka fer sell.
Monty Ehrich
Date: Sun, 27 Jan 2013 11:33:18 +0000 To: montyehrich@hotmail.com
Yoh, ich hab en Paar derfun aakuckt, un finn sie arrich gut geduh. Selli Sach iss fer ne langi Zeit aakumme. Mer henn doh in NM so en aenliche Probleem ass die meenscht Leit welle net heere ne annre Schprooch fer Eksempel imme Cafe — sie welle bloos Englisch heere. Awwe wie’s eeyentlich schteht iss mer henn so fiel ass 21 Uffischel Schprooche! Ich kenn all die Naame net gewwe bekaas ‘s gebt so fiel ass ich kenn mich net an alle erinnere.
In meire ganze Familye, bloos ich un mei Fadderschwester Deitsch ferschtenne kenne.
In meim Sinn, ‘s iss ne Schand so ne Schprooch so wie Deitsch nunner un naus zer dreiwwe. Fer dei Aerwet, dank ich dir.
Der Bil ausme schee NM 😀
Bil, ‘sis zidder lang as ich eppes vun dich gheert hab! Sell waar arrig gut vun dir zu heere. Ich bedank mich fer dei scheeni Poscht. Ich schtimm mit alles was du gschriwwe hoscht ei. ‘Sis en Schand. Mol sehne was rauskumme waerrd. Zu re Zeit schwetz ich yuscht Deitsch mit meinem Maedel, awwer sie iss yuscht 6 Munet alt! Awwer ich waerr so weiterduh.
Scheene Griesse aus kaltige un schneeige Pennsylvania!
PS – Ich un mei Fraa vermisse LaChoza un ihr arrige gude Esse!
-Der Doug
Oh, wemmer schnee hedde . . . . Doh iss’s bloos kalt.
Unn mit deim Maedli, geh weider mit dem uff Deitsch schwaetze. Sell hawwich mit meim Maedl fersucht, awwe dermit hawwich kee Glick ghat. Pretty soon heerscht du “Paep, schnell ich muss uff’s Briwwi!” . . . abbadich wenn dihr beed inre Maschien uffme Highway seid. . . 😀
‘S macht Gschpass en Maedli beizerbringe! (meins iss yetz schunt 24)
der bil ausme kalt awwe schier anne Schee NM