Guder Daag Blog Leser! Geschder hawwich en arrig gude Erfaahring ghatt. Ich bin nooch historisch Schaefferschteddel in Lebanon Kaunty gfaahre. Datt hawwich der Alice Spayd ihr Deitschklaess bsucht. Fer mich waar es arrig cool weil selle Klaess yuust mei Textbuch .
Ich hab glee bissel Zeit mit de Schieler zu schwetze ghatt. Ich hab sie viele Frooge gfroogt. Ich waar neigierig zu wisse fer was sie Deitsch lanne wolle. Dann hawwich aa Frooge iwwer es Buch un wie sie es gfunne hen gfroogt. Die Schieler hen viele gude Gedanke ghatt, fer was mir besser duhe kenne um Deitsch zu lanne un laerne. Die alle hen gewollt meh Videos uff em Internet hawwe. Ich glaab sell iss was ich darrich der Winder duhe muss! Sie hen aa gsaat as sie hen gewollt meh Dinge fer Kinner zu hawwe. Farewebicher, Flashkaarte un soddiche Dinge. Die sinn aa gude Gedanke. Mol sehne, vielleicht kann epper uff so was schaffe.
Nooch mei Zeit mit de Schieler hot die Alice, die Schulmeeschderin, aagfange. Sie hot en gleene Glockche gebellt un hot gsaat: “Die Schul nau fangt aa.” Die Schieler waare ready. Die Alice hot die Schieler gemacht sie selwer uff Deitsch bekanntzumache. Yede Schuler hot ihr Naame gsaat un vun wu sie herkumme. Dann sinn sie widder zu em Buch gange um meh Deitsch zu lanne.
Ich waar arrig froh zu seh wie uffgeregt die Schieler waare um Deitsch zu schwetze un zu lanne. Ich hoff as ee Zeit in re Zukunft kann ich widder datthiefaahre um die Klaess widder zu bsuche.
Do iss en Audio Klip: En Bsuch zu en Deitschklaess.
PA Dutch 101 
Hi Doug,
Ich taet aa gerne ne Deitschklasse bsuche, awwer wie ich dir bereits hob gsagt samme nich mehr in Pennsylvania zu Haus un daher sell geht nich. Ne Onlineklasse waer abbadich! Ich hab aa versucht zu schpielen den Videoclip awwer sell iss mir leider nich gelunge mit meinem Computer, oder es kann a sein, ich hob dabei was letz gedu.
Sei so gut un bete fer uns, Sontag iss meine Mom gestorben, zwar friedlich un ohne Schmerzen awwer sie vermissen dun mir scho.