Guder Daag Blog Leser! Heit waar en arrig wichdiger Daag fer meine Familye un abbadich fer meine Dochder. Heit waar ihr Daaf. Ich will selle Woch schreiwe iwwer wie en Luddrische Daaf geht un wie alles gloffe waar. Do iss en Spolier Alert, alles iss arrig gut geloffe un meine Dochder hot gaar net gebrillt! Gott sei Dank!
In die Luddrische Karrich, daafe mir Bobblis, normally sin es Kind baut 6 Woche alt. Do iss wie es Goddesdinscht ausguckt:
1. Die Eldre, mit em Kind gehne vanne zu re Daafefont. Do waerr aa der Paare sei. Der Paare verzaehlt ferwas mir daafe. Er saagt as mit em Wasser sin mir widdergebore as Kinner vun em Gott un mir griege ewige Lewe. Die Eldre beschenke es Kind.
2. Es gebt en Bede un die Eldre sin gfroogt ob sie ee Paar Dinge duhe waerre: Waerre sie es Kind zu re Karrich bringe, waerre sie em Herr sei Gebet laerne, waerre sie en Biewel zu ihr Kind gewwe? Mir henn nadierlich YA gsaat.
3. Dann der Paare verzaehlt die Gschicht aus re Biewel vun Wasser, er vaerzaehlt vun Noah un wie Yesus in em Jordan Rewwer bedaaft waar. Dann sin die Eldre un die Gemee gfroogt ob sie an Yesus glaabt, Sind absaage, un der Deiwel absaage? Nadierlich hemmer widder YA gsaat. Dann kummt es Glaawenserkenntnis.
4. Nau kummt es Wasser. Der Paare daaft es Kind in der Naame der Vadder, der Soh un es Heilige Geist. Dann er macht en Greitz uff die Schtann un saagt: “Estella, Kind vun Gott, du bischt mit em Heilige Geist verbunne un mit em Greitz vun Grischt fer ewig gemarickt.
Es waar alles arrig schee Heit. Die Gemee waar arrig froh unser Dochder zu bewillkumme. Mir waare aa froh unser Dochder in re Familye vun Gott zu bringe. Ich hoff as in ihr Lewe, waerrd sie en guder Diener fer Gott un Yesus do uff re Welt sei.
Do iss en Audio Klip: En Daaf
PA Dutch 101 
Donka shay fer es deitschy schtick. Ich hab eppes frooga wella.
Fer woss sawwa die Amisch leit gmay schtedd Karrich?
Bei uns iss die karrich en church, unn die gmay is die kongregayshin.
John,
Gross Dank fer dei Comment. Vun was ich weess, die Amische hen kenn Karriche. Sie kummezamme in en Haus, so im Blatz vun Karrich (en Gebei yuscht fer Gottesdinscht) saage sie Gmee, weil die Leit in em Haus am Sunndaag sinn die Gmee. So denk ich, awwer vielleicht kann epper, wer gscheiter as ich bin, eppes dazu saage.
-Der Doug
Hallo John und Doug,
I halt mi keeneswegs für’n „Owerg’scheitle“, nur glaww i, was i g’sehne un g’lernt haww isch v’leichd e bissele annerscht, weil die Amischleit hier im Weschde vun PA net graad alles wie die vun Lancaschder Kaundi mache.
Was „G’mee“ od’r uff amerikanische Schreibweis‘ „G-may“ b’trifft, kummt’s vom Wort „Gemeinde“. Wenn die Amischleit z’ammekumme, isch die B’tonung d’rauf, net uf’m G’bäud, in dem se sitze od’r wie se’s wohl saage däte, „hocke“.
Die sog. Old Order Amischleit hän kee G’bäude, se kumme in Häusele z’samme. Däs stimmt zumindeschd für die vun Lancaschder Kaundi (i haww däs Wörtle „Kaundi“ wirkli ger! Mer hän in Augsburg „Landkreis“ g’saat, was also ausm Hochdeitsche kummt). Mei B’kannte und Freinde in Somerset Kaundi awwer hän scho seit’m 19. Jahrhundert e G’bäude un treffe sich alle zwee Woche dort. Se gelte awwer als Ausnahme, so haww i g’hort. Se duhne awwer alles no nooch alde Weis‘: kee Autos, kee Strom, kee Telefon im Häusele, usw. Echt liewwe Leit senn se, wenn i jünger wär, dät i mi wohl dene Leit a’schliesse, awwer mit mei 55 Johre bin i zu alt, um morjeds mit dene Hühnerle uffzustehe! Au „Kiehmelke“ lass‘ i liewwer annere Leit üwwer!!!
I wollt Eich nur so schreiwe, weil es au unner dene Leit Ausnahme gibt, un däs find‘ i au gut.
Au interessand heesscht, dass die Frau B. nie g’lernt hot, Hochdeitsch zu lese, Herr B. awwer ka‘ net nur Hochdeitsch lese, er hot au alles verstanne, was im erschde Band vun „Mei Pforze“ von Fritz Höhn staht! Mer hän drüwer g’lachd, wie z.B. in’m eene G’dichtle e Ma‘ aus Pforze nooch’m Norde g’reist isch un sich im Reschdaurant „G’röste“ (die Bratkartoffeln nach Badischer Art) b’stellt hot. Die Leit in sell’r norddeutsche Städtle hän sich am Kopp g’kratzt, die Stirn g’runzelt, dann hän se ihm zwee riesengrosse Grumbiere g’bracht mit dene Worte: Diese sind doch unsere gröβten!!
Frau B. hot eemol g’saat, se duht `re englischsprachige Biwel in die Kirch mitnehme. I haww awwer erwidert: na warom net—unser Herr Gott isch mindeschdens zweesproochig! Nu, dass die Amischleit heitzigdaags net mehr Zeet nehme, die hochdeitsche Sprooch zumindeschd zu lese lerne, nu, däs isch schade. Vielfäldigkeet macht’s Lewe doch schö, find‘ i ja, un se schätze doch die Lutherbiwel.
I hoff, mei Worte hän net frech od’r u’verschämt klunge, i bi‘ awwer froh, dass ma hier im Ausland die Sprooch vun dene Vorfahre schätze un pflege duht.
Nomols tausend Dank,
Jim(Jakob) Kramer
(Seller Pittsburgher Kerl)