Guder Daag Blog Leser! Well, as ich letschde Woch gschriwwe hab, selle Wochend waar Gedechtnisdaag do in Amerikaa. Ich un mei Fraa sin nooch Heem gfaahre um mei Familye zu sehne. Yeder Gedechtnisdaag Wochend geh ich mit meinre Grosseldre uff viele verschiddliche Karrichhoffe fer Blumme uff em Greewer zu schtelle.
Selles Yaahr sin mir zu de normal Greewer un ee paar annere aa gange. Meim Grossdaadi sei Eldre sin in Shillington begraabt. Mir gehne datt alle Yaahr. Dann sin mir nooch Molltown gange fer meinre Grossmudder ihr Grosseldre, Eldre, ihr Bruder, un mei Mudder.
Ee paar Yaahre zerick hawwich viel Geneology geduh un ich hab viele vun meinre Voreldre gefunne. Mei Gross-Gross-Grosseldre uff mei Grossdaadis Seide sin in en alde Karrichhof in Reading begraabt. Mir sin aa dattgange um sie widder zu finne. Fer schurr hemmer sie gefunne, awwer die Karrichhof waar net so schee. Viele Graabschtee sin iwwergfalle un die Grass waar aa net so gut gemaeht. Sell finn ich arrig schlecht, awwer was kann mer duh?
Nooch unser Rees darrich Reading sin mir nooch Virginville gfaahre. Datt sin mei Gross-Gross-Grosseldre vun meinre Grossmudder begraabt. Sie sin in Dunkels Karrichhof begraabt. Selle Karrich is nix meh. Die Karrich is datt awwer die Gemee sin schunn lang fattgange. Die Karrichhof seht gut aus, awwer die Karrich net so viel. Sell hawwich drauerich gefunne, en alde Karrich, un kee Gottesdinscht meh.
Mir sin aa in ee paar alde Karrichhoffe gange, die waare so alt, as sie viel Graabschtee vun em 1700s ghatt hot! Viel vun die Graabschtee waare in Hochdeitsch gschriwwe. Ich hab viel Greewer vun Revolutionary un Civil Grieg Soldaade gsehne. Nadierlich, hen sie all ganz neie Faahne newwe sie.
Ich gleich arrig viel uff en Karrichhof rumzulaafe. Mer seht Gschichte, alde Naame un alde Soldaade. Gleicht eich aa darrich en Karrichhof zu laafe?
Do is en Audio Klip: En Laaf darrich en Karrichhof.
PA Dutch 101 
Hi,
I just found this… and it’s amazing… I didn’t know that the Amish language is so close to Southern German dialect. I can totally understand it!
Wow! It sounds like the dialect of my region in South Germany just with an American accent and some English grammar!
Do you understand any of this?
Maria
Maria,
Thank you for your post. One clarification, Pennsylvania Dutch is not only spoken by the Amish. Yes, the Amish do speak the dialect, but throughout history many other religious groups also spoke the dialect. My family, for example, are Lutheran and have never been Amish, yet we speak the dialect. As far as your video, I could understand the video. I was thankful for the subtitles. There were places where I did not catch a word here or there, the subtitles helped. Keep checking back as I update this blog weekly. Mach’s gut!
-Der Doug
Än guude Daag winschi eich alli zusammä un nadierlich zuärschd äm Dug.
I will ä mol widdä a paar zeile schreiwe.
Dei Auslegunge iwwe de Dwight D. Eißenhauer und die Hersheys hawi mid interesse gleese.Des isch immer schee, iwwe die Lebensgschichdeä vun annereä leit was zu erfahreä.I hab gar ned gwisst, dass des a mol mennischdeä wareä.Wann Du des Word mennischdeä brauchschd, dann nem i oa, dass Du Mennonite moansch.
Wann des so isch, dann isch des a widdeä so eä wordd,des bei uns en dä palz un eäm graichgau nimme so im Gebrauch isch.Des fin i so interessand, däss sich so aldäe woörda bei eich driweä noch erhaldeä. So kenneä meä uns gegeäseidich unsern aldeää wordschatz erhaldee.
Äm Dunnerschdich fliegeä meä jetzäd nach Pensylvania un i bin richdich gschband uff eieä Land.
Mol ae froog. Wenn mae zu dä amischee fahreä, nach Lanceschdä rundeä , ischs do roodsoam unseä glaubensbrieder oa zu specheä, odder fiileä die sich doo begaffd un beleschdigt.Hosch Du do Erfahrungeä gmachd.Ansonschdn deedaema liwweä in eä Amisch Museum geeä.
Eä annere Sach. Hosch Du gwissd, däss unseä Angela Merkel ( Kanzlerin) vun eieäm Presidend Obama eiern höchschdeä Ordeä, die Freiheitsmedalieä griggd.
Die Angela war jo eä Pfarresdochdeä auseam ehemaligeä Oschdeä.Un deä Maurerfall isch jo no ned so loang her,do hod sie noch vun amerigoanischeä Jeans gedroamt.
Faschd scho eä amergoanische Erfolgsgschichdä.
Do driffd sie deä Obama un sei Fra, die Michelle, deä Vicepresident Joe Bidden un die Hillary Clinten.Hoffeä ma, dass sie was guudes for die Weltpolitik durch ihreä Gschpreäche bewirgeä kenneä.
Mir deitsche hewweä jetzeäd deä Atomaustieg beschlosseä un setzeä jetzeäd uff erneierbareä Energieeä.Deä Obama hot scho oagekündigt, daesd USA sich a uf ereuerbare Enerdieeä konzendriereä will. I deng, mir senn do uff eä ma guudeä Weg.
Un ned vergesseä. Bei uns in Sinseä ( Sinsheim) isch deä Ausdragungsort ( Host City ) for die Fußballweldmoaschaschaft der Fraueä. Aem 28.6. spieleä eieä Weiweä ( Frauen) gegeä Korea, eam 2.7. gegeä Columbia un aem 6.7. gegeä Schweden.Also, guggd ae mol nei ean de kaschdae.
I hoff nadierlich, daess unseä Weiweä gwinnee.Sgleiche winsch i awweä eiener Weiweä a, weil des a spordliches un friedliches Fußbajjfeschd werreä soll.
Gruß aus Bad Rappenau
AFReinhard Hemmer
Reinhard,
Gross Dank fer dei wunnerbaar Poscht! Ich hab gegliche dei Poscht zu lese…awwer ich muss recht saage, as ich hab gemisst glee bissel zu denke. Wann ich es laut gelese hab, dann hawwich es verschtanne. Yo, ich weess as die Angelika in Waschington mit dem Obama is. Ich bin recht froh as sie die Medal vun Freiheit grickt hot. Sie hot es verdient. Ich hab aa im Internet gelese as die Weibsleit Fussballe Meisterschaft in Deitschland sei daete. Viel Gschpass mit sell! Fer was kummscht du nooch Pennsylvaania? Yuscht fer en Bsuch? Es gebt so viel zu sehne! Du musscht yuscht dei Deitsch browiere, manniche Amische waerre dich verschtehe awwer es kann sei, as sie net in Deitsch antwadde waerre…mannichmol sin sie so. Wu ich uffgewaxne bin hemmer “Mennschde” geyuust fer die Mennonites. Ich weess net eb es annere Wadde gebt in Deitsch odder net. Yawell, ich hab genunk fer heit gschriwwe. Mach’s gut un schreib mol bald widder!
En Gruss aus em neie Land!
-Der Doug