Guder Daag Blog Leser! As eich vun em Titel sehe kennt, is 2011 en grosses Yehrlichfescht, awwer fer was? Ich saag dihr: 2011 is en 150. Yehrlichfescht vun em Amerikaanische Birgergrieg sei Aafang. Un selle Woch hot alles in Abrill 1861 mit em aerschten Schoss aagfange.
Es waar frieh am Mariye uff em 12. Abrill 1861, wann der Confederate General, Pierre Beauregard hot sei Kannons uff em Fort Sumter in Charleston Harbor gschosse. Der Fort waar vun Amerikaanische Soldaate un der General Robert Anderson gewehrt. Sell waare die aerschde Schosse vun em Grieg. In Diesember 1860, sin Sudd Carolina devun em USA gange. Sudd Carolina waar net froh as der Abraham Lincoln zur Bresident in 1860 erwaehlt waar. Der Lincoln un die neie Regiering hen gewollt mit em Gschlaaferei wegzuduhe. Sudd Carolina un annere sudde Schtaate hen gedenkt as ihre Rechte vun re Regiering weggnumme waerre. So sie hen ausgemacht ihr eigene Land zu schaffe: die Confederate Schtaate vun Amerikaa.
Der Aagriff uff em Fort Sumter waar ihr Weck zu zeige as sie Bisness gemehnt hen! Zum Glick waar nimmi in em Aagriff dodgemacht. Awwer sell waar yuscht der Aafang vun em vier yaahrelang Grieg mit Amerikaaner gschwischich Amerikaaner. Am End im Yaahr 1865 sin meh as 620,000 Soldaate vun Schlachde odder vun Grankheet gschtarewe.
Es Yaahr 2011 is aa es Yehrlichfescht vun annere grosse un wichdiche Schlachde: der aerschde Bull Run un Wilson’s Creek. Die greese Schlachde sin in die drei schpeedere Yaahre. Vielleicht kann ich meh iwwer selle Schlachde schreiwe wann es ihre Yehrlichfescht is.
Ich bin en grosse Birgergrieg Fan. As ich en Kind waar hawwich viel davun gelese un hab alle Birgergrieg Movies schunn gsehne. Ich hab viel Schlachdefelder bsucht un ich will meh bsuche. Seller Summer faahr ich nooch Tennesse um em Shiloh sei Schlachfeld zu bsuche. Die Birgergrieg is en arrige wichdiche Aadeel vun unsre Gschichte.
Die Deitsche henn aa en Aadeel in der Grieg gschpielt. Es hot viele deitsche Regiments gewwe. Wann dihr meh iwwer die Deitsche in der Birgergrieg lanne wollt, sei so gut un lest mol es Buch: Damn Dutch vun dem Dr. David Valuska. Sell is en Buch iwwer die Deitsche in em Gettysburg sei Schlacht im Yaahr 1863. Sell is en wunnerbaar gudes Buch. Mer kann es bei Amazon.com fer baut $15 kaafe.
Uff em 12. Abrill, nemm mol en Moment un denkt yuscht uff em Soldaade un die schwatze Yaahre die Amerikaaner darrich unser Land ausgfochde hot.
Do is en Audio Klip: En grosse Yehrlichfescht!
PA Dutch 101 
Hie in NM iss ´s Reenactment vun de Schlacht vun Glorietta widdergemacht un fiele Freinde vummir nemme deel dedrin. Mir henn doh immi nooch en Memorial bei Glorietta unn mer kann aa Ft. Union, uffme Wech nooch Wagonmound, bsuche unn darrich die Iwwereste vun Ft. Union rumlaafe. ´S iss US Lannmarrick unn alles doh watt gut bresserfiert.
Doh iss en Faekt aus em Tolzmann sei Buch, German-American Experience, ass im yede Grieg zidder de Unabhengichketsgrieg bis zer WWII waare Deitsch-Amerigaaner immi en Drittel in Amerikaa ihr Militaer.
Aa nooch en bissel: unser Reenactment Beddaelyen aus Ft. Union hot ennlich ihr eeyene Barrick-Howitzer grickt! Unn, wenn mer im Beddaelyen deelnemme will, kenn mer, awwe mer muss zaerscht Schpaenisch lann bekaas all die Addere sinn uff Schpaenisch ausgegrische! 😀
der Bil aus natt-ost NM
Wow… das iss aarisch intressant. Unn isch hann gedachd, dass heit blooss mei Naamensdaach weer (nach em finnische Kalenner jeedefalls), unn de Jaaresdach vun em Gagarin seim Weldraamfluuch.
Isch glaab, isch hann aach e paar entfernde Verwande, wo im amerikaanische Birschergriesch gekempft hann.
(Isch woon aweil in Finnland, awwer isch kumm vun Saabrigge in Deitschland unn schwedds e Mischung vun Hoochdeidsch unn Pladd (Saarlennisch). Ich hoff, ier kennt’s leese…)
Griiss,
‘s Julia
Julia,
Nadierlich kann ich dei Comment lese. Ich bin froh as du mei Blog gfunne hoscht. Schreib mol bald widder!
-Der Doug