Guder Daag Blog Leser! Well, die Faaschtzeit is widder do. Gschder hen ich un mei Fraa 17 Dutzen Faasnachts gmacht. As dihr schunn wisst, sin die Faasnachts allsfatt en wichdige Deel vun Faaschtzeit in unsre Kuldur. Do wu ich wuhn, in de Bariye vun Central Pennsylvaania, sin die Faasnachts net so gut bekannt. Wann ich sie fer Freinde mache, wolle sie die Faasnachts allsfat mit Zucker esse! Fer mich is sell so luschdig. Ich gleich mei Faasnachts mit Budder un Melassich….aye yummer, sie sin so gut selle Weg!
Dinschdaag is der echde Daag fer Faasnachts zu esse, awwer weil ich mei schunn am Samschdaag gemacht hen, hab ich schunn aagfange sie zu esse! Mittwoch is aa arrig wichdig fer uns Deitsche. Mittwoch is Aschermittwoch. Viel vun uns waerre in die Karrich geh um unsere Asche zu griege. Ich waerr fer schurr aa datt. Dann misse mir 40 Daage waarde bis Oschder. Darrich die Faaschtzeit hot mei Karrich en Gottesdinscht alle Mittwochowed. Aerscht fange mir mit en gleene Iems aa, normally esse mir Supp dann gehne mir in die Karrich fer Lieder un Gebete. Ich find es arrig gut mit mei annere Karrichleit die Iems zu esse.
Uns Deitsche hen unsre eigene Traditions bei Faaschtzeit, awwer zerick in Deitschland is es aa en wichdige Zeit. Die Daage var Aschermittwoch is Fasching odder Karnival datt driwwe in em Alde Land. In Schtedt wie Mainz un Kologne gebt’s yo richdige grosse Feschde mit Schtrutze un Kostumes. Ich glaab viel Bier waerrd aa gesoffe! Awwer es Fescht is wichdig weil, darrich die Faaschtzeit kenne sie net so feiere!
Es macht nix aus wu du bischt, ich winsch alli-epper en hallicher Fasching un en wertvolle Aschermittwoch. Esst viel Faasnachts un drinkt glee bissel Bier uff em Dinschdaag!
Do is en Audio Klip: Die Faaschtzeit is widder do!
PA Dutch 101 
Guten Tag 🙂
Auch wenn es vielleicht ein dumme Frage ist, was ist Faasnachts?
Hier im Aargau und in teilen Baden-Württembergs, heisst Karneval/Fasching nämlich Faasnacht.
Freundlicher Gruss
Guder Daag Iris,
Ya, Faasnachts sin gleene Kuche (in Englisch saage mir Doughnuts). Sie sin vun Grummbiere un Mehl gemacht. Sie sin arrig appeditlich. Viel Leit esse sie mit Zucker odder mit Budder un Sirop. Ich glaab es gebt nix wie sell in Deitschland. Ich hoff as sell hot dei Froog geandwattet.
-Der Doug
Iris,
Ich hab en Poscht uff em 22. Hanning 2009 uff em Blog iwwer Faasnachts gschriwwe! Guck mol datt!
-Der Doug
Danke für die Antwort =)
Wie es in Deutschland ist kann ich nicht sagen, aber hier in der Schweiz gibt es eine mit dem fast gleichen Rezept hergestellte Fasnacht Spezialität.
Hier sind sie rund und heissen Schenkeli http://www.google.ch/images?q=schenkeli&rls=com.microsoft:de-ch:IE-SearchBox&oe=UTF-8&rlz=1I7ADRA_de&redir_esc=&um=1&hl=de&ie=UTF-8&source=univ&sa=X&ei=4Nt3TffPG43dsgaCpfGPBQ&ved=0CGkQsAQ&biw=1255&bih=852
Mit freundlichen Grüssen
Yaa, ‘s iss kariyos, awwe hier in NM un aa in mei Heemet (SE Mich.) hot’s keene Breiche gewwe wu mit Faasnacht zuduh hot ghatt. Doh sinn die menschde Leit Schpenisch.
‘S iss gewehnlich awwe as mer die Faschzeit mitme arrich grefdich Katzeyammer aafangt. Schpoot am Karfreidaag griege alle-ebber aa so en Katzeyammer. Gschwischde de zwee Daage isst mer gewisse Esssache wie torta de huevo, quelites, salmon patties — alle warre mit roder chile iwwegosse sei. Panocha, adde sopa (capirotada) ass Noochdisch.
Ich ferschteh net ferwas mer deheem in Mich. Faasnacht net gefeiert henn, awwe so waar’s. Ferleicht bekaas die Deitsche Ludderisch waare. Grunsaudaag waar dohmols efter meh heifich gfeiert un dernoh, Oschder.
bil aus NeiMexico