Letschde Wochend bin ich heem (Barricks Kaunty) gange um mei Familye zu bsuche. Allsfatt wann ich heem geh, muss ich eikaafe geh. Es gebt Sache in Barricks Kaunty, die ich net in Central Pennsylfaania kaafe kann. Fer was kannscht du net in Central Pennsylfaania kaafe as du in Sudoscht Pennsylfaania kaafe, du froogscht? Aye yummer, es gebt viel! Gudi Chips, echde Fleesch, deitsche Kaes un meh un meh. All die Sache vun mei Kindheet die ich so gaarn ess.
Well selle Mol sin mir nooch dem Butscher gange um gude deische Fleesch zu kaafe. Mei ganze Lewe hot mei Familye viel Fleesch bei Peters Brothers Butscher Schop gkaaft. Peters Brothers is in Lenhartsville. Lenhartsville is en dypische deitsche Schteddel in nadd-Barricks Kaunty. Es legt gschwischich Humbarrig un Ellsdaun un is uff em Fuuss vun em Blohbariye.
Wann mer in en Butscherschop geht, riecht mer graad eppes so wunnerbaar. En deitsche Butscher schmokt viel Fleesch, un mer kann es Schmok rieche. Datt in Peters Brothers kann mer so viel unnerschittliche Ess-sach kaafe, un all sin appeditlich zu mir. Fer Beischpiel kann mer: Wascht (gschmokt un mitaus Schmok), Schteak, Humbarrigerfleesch, Schunkefleesch, Galleraa (Sei Fuuss Jelly), Kuddelfleck, Sackwascht un Lewwer kaafe. Mer kann yuscht net Fleesch kaafe, mer kann aa Kaes, Selaatbrieh un viel annere Sache kaafe.
Wann ich bei Peters Brothers bin, dann fiehl ich as ich fer schurr widder daheem bin. Un so is was fer en Gfiehl, gell? Uff selle Mol, hawwich Galleraa, Gschmokte Wascht, Kaes un Sackwascht gkaaft. Ich hab alles in mei Kooler gschteckt un bin heem gange. Nau kann ich recht esse!
Was gleicht eich bei em Butscher? Esst eich aa viel Fleesch, odder gebt es aa Gaardesachesser die mei Blog lese?
Do is en Audio Klip: En Bsuch zum Butscher
PA Dutch 101 
Joo Doug
Subber was Du immer zu erzähle hoschd.
In de Palz gibts ach veel beriehmte Fleesch und Worschdsorte. Du warschd jo neilich in Neistadt an de Weiistroos und uffem Hambacher Schloss. Hoschd dort Läwwer und Bludworschd probiert? Unn nit se vergesse de gude Pälzer Saumache. Nit verscrecke ich bin awwer doch eher en Gaardesachesser. (was ver a cooles Wort vun Dir). Frä mich wider vun der zu häre.
Und de Daach kummt bald wu ich unbedingt zu eich uff Bsuch noch Pennsilfaani kumme will. Ich glaab des muss mer alles erschd mol gesehe habe.
Machs gut und bis ball
Patrick (Badrig)
Hi Doug.
Happy New Year!
Es ist interessant zu hören, was man bei einem Schlachter in Pennsylvania alles bekommen kann. Aber was ist ‘sackwascht’? Den Ausdruck habe ich noch nie gehört!
Liebe Grüße aus Norddeutschland.
Lis
Guder Daag Lis!
Sachwascht uff Englisch heesst “Summer Sausage” do is en Link vun Wikipedia: http://en.wikipedia.org/wiki/Summer_sausage
Ich gleich Sackwascht arrig viel! Es schmackt awwer wunnerbaar mit guder Kaes!
-Der Doug
Sounds very interesting. I will have to try this if I ever get the chance to come to Pennsylvania…
Fingers crossed!!! 😀
Lis,
Du bischt bei mir eigelaade! Mir hen en extra Bett fer dich! Yuscht loss mich mol wisse wann!
-Der Doug