Ich waar im Guckbax!

Ee Mol im Munet gebt es en Pennsylvaanisch Deitsch Programm im Guckbax. Baerricks Kaunty TV (BCTV) weist die Pennsylvaanisch Deitsch Schtunn die aerschde Freidaag im Munet aa. Sell is en ee Schtunn lang Program mit re Doppelbock Saenger Chor. Die Chor singt ee paar deitsche Lieder un dann gebt es allsfat en Interview mit epper der eppes mit Deitsch zu duh hot.

Well, selle Munet waar ich der Gast bei re Programm. Die Programm laaft lewendig vun 10 Uhr am Mariyets bis 11 Uhr. Dann weist sie es widder uff em Samschdaagowed un widder uff em Sunndaag Mariyiet aa.

Du kannscht BCTV's Website bsuche! http://www.bctv.org

Uff em Freidaag Mariyets bin ich schunn uff em Schtross baut 6 Uhr. Ich bin nooch Reading gfaahre, sell is wu die Schtudio is. Die Rees hot baut 3 Schtunn ausgedauert. Ich hab mei Jeep in en Parking Garage in die Mitt vun re Schtadt geparkt. Dann bin ich in die Schtudio gange. Datt waar en gleene Schtubb wu die Chor schunn am hocke waar. Es hot drei Kamera gewwe un drei Leit, die all die technical Dinge geduh hen.

Graad uff em 1o Uhr hot die Programm aagfange. Die Chor hot baut fimf odder sechs Lieder gsunge. Dann hot der Francis Kline un die Joyce Hassler ee paar Bekannte gemacht. Dann waar ich draa. Die Dale Schwoyer (die Producer) hot mich geinterviewed. Sie hot mich ee paar Frooge iwwer mei Kindheit un fer was ich Deitsch schwetze kann. Sell waar all uff Deitsch. Dann hemmer ins Englisch gschwetzt. Mir hen iwwer mei Textbuch gschwetzt un was ich denk iwwer die Zukunft vun unsre Schprooch is. Mei Interview hot baut 20 Minudde ausgedauert. Awwer ich muss saage, as die Zeit arrig schnell geloffe is.

Nooch em Taping, bin ich widder heem gfaahre. Sell waar en abbadicher Daag fer mich. Un ‘sis allsfat schee heem zu kumme.

Do is en Link zu re Programm: Tschunn Programm

Do is en Audio Klip: Ich waar im Guckbax

4 thoughts on “Ich waar im Guckbax!

  1. Ich hab “Pennsylvania Swiss” arrick guut gegliche 🙂 Dutch / German… sell really hot some Passions g’reest. Awwer mir waere net Deitsch sei hett mir ken Passion. Ich hab’s gewatch’t mit re Freindn ass Ontario-Franzeesiche iss. Die aa in re minority language situation uffg’waxe iss. (Unn sie hot mich gfroogt “ferwas Dutch unn net German” yuscht paar Seconds eb ebber in die Choir die seem Ding gfroogt hot.) Sie hot selle Guckbax Program interesting g’funne aa, awwer sie hot really die Advertising gegliche am Schterdt vun Program 🙂

  2. Daniel,

    Ya, du hoscht Recht! Sie waar voll mit Passion. Selle Topic waerrd allsfat en Problem sei…awwer ich glaab es muss net so sei. Gell? Was denkscht du?

    -Der Doug

  3. Perseenlich, ich gleich “Pennsylvania Dutch” besser. “Dutch” odder “Pennsylvania Dutch” waar immer es Watt ass mir gyuust henn (am wennichscht in meinre Familye (entwedder “Pennsylvania Dutch”, “Dutch” odder yuscht “German”, awwer nie net “Pennsylvania German”). Awwer, ich muss saage, ich hab nix geeich “Pennsylvania German.”

  4. …Yeah, du hoscht recht… ken Ursach fer en Problem mache iwwer PA Dutch / PA German… In Kanadaa mir henn en lot Discussion iwwer “Aboriginal” odder “First Nations” odder “Native” etc… unn in QuĂ©bec zwische “Canadien français” unn “QuĂ©bĂ©cois”… odder “francophones au QuĂ©bec”… (wann ich in French schreiwe iwwer unser Schprooch ich hab similar/gleiche Frooge. Ich gleich “germano-pennsylvanien” yuuse, awwer in French, duhne en latt Leit “allemand pennsylvanien” odder “allemand de Pennsylvanie” schreiwe. In Faekt, ich gleich die Wadde “Allemand” unn “German” net so viel! (velleicht fer die Griege…)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close