Guder Daag Blog Lesern! Hemmer all die Uhre een Schtund vorgedreht? Ich hab net vergesse.
Well, ich bin graad daheem kumme. Nooch re Karich sin ich un mei Freindin nooch Millheim gfaahre. In Millheim is en gleene Essblatz. Es heesst “Elk Creek Cafe and Aleworks“. Sell waar yuscht es zwette Mol as ich datt waar.
Elk Creek is abaddich fer viele Grunde. Aerscht: sie macht ihr eigene Bier…un ‘sis wunnerbaar gut. Zwedder: All ihr Ess-sache kumme vun re Gegend. Sie versucht allsfatt yuscht “local” Dinge zu kaafe un zu koche. Dritte: sie henn viel Live Myusick.
Fer Esse, hab ich en Supp vun Erdschwamm un hab en Schunkefleesch un Kaes Sandwich bschtellt. Fer Drinke hawwe ich zwee Biere ghatt, een waar en IPA un die annere waar en Bitter. Sie waare frisch, kalt un appeditlich!
Heit hen sie en Bluegrass Baend (Die Brush Mountain Band) ghatt. Die waare arrig gut. Weil es Sunndaag waar, hen sie yuscht Gospel Myusick gschpielt. Sie hen en Gitarr, Mandolin, Bassgeig, Banjo un Geig in re Baend. Sie hen baut zwee Schtund gschpielt.
Wann du dich in Millheim, PA finnscht, geh mol zu re Elk Creek…ich verschprech as du gude Esse esse waerrscht un aa en gude Zeit hawwe waerscht.
Do is en Audio Klip: Gude Esse un Gude Myusick
PA Dutch 101 