An mei Schul, wo ich Schulmeeschder bin, hemmer en Austauschprogramm mit re Schul in Deitschland. Es Programm is schunn iwwer 30 Yaahre alt! All zwee Yaahre in Oktower kumme deitsche Schtudente do un dann die naegschde Tschuun geh unsere Schtudente nooch Deitschland. Well ‘sis mol Zeit fer die Deitsche widder do zu kumme!
Sie fliege am Samschdaag un kumme in State College um 2 Uhr aa. Mei Schtudente waere nadierlich datt im Aerport. Dann geh die Deitsche mit ihre neie “Amerikaanische” Familye. Die Deitsche waerre do fer 10 Daage bleiwe. Sell Yaahr gebt es 15 Deitsche Schtudente. All mei Schtudente sin arrig froh un uffgeregt ihre Partner zu begegne. Viel Schtudente hen schunn ihre Partner im Internet begegnet! Mit Facebook un annere Dinge is es leicht neie Leit kennezulerne…Gell?
Mir hen viel fer die Deitsche ausgemacht. Sie waere uff en paar gleene Rees geh un nadierlich waere sie ee paar Daage do in unsre Schul beibringe. Die Deitsche kumme bei Buchen in Odenwald (Baden-Württemberg)…vielleicht kenn ee paar vun de Schtudente unsre Deitsch verschteh…yuscht mol sehne.
Naegschde Woch waerd ich en Update schreiwe. Mir welle hoffe as alles gut geht, un as es ken Probleme gebt. Ich weess schunn as es viel Gschpass waerd. Hot eenichepper vun eich en Austasch im High Schul ghatt odder gemacht?
PA Dutch 101 
Du weıßt meıne Antwort…Ich bın jetzt eınen Austauschschülerın ın der Türkeı. Ich übersetze meıne Notız von der Schule jetzt…
Hoffentlıch dıe Deutschen werden Spaß machen! Schreıben uns vıel!
(Meıne Schwester hat von eure Konversatıon von Schnurrbärte gesagt. Ich habe eın Foto von sechs Fleıscher für dıch gemacht: http://tinyurl.com/yz6xnhf. =D)
Die Deitsche sinn die Pennsylvania Dutch, awwer die Leit ass in Deitschland wuhne, sett mer Deitschlenner saage?
Ya, du hoscht Recht. Vielleicht kenne mir “die Hochdeitsche” saage?