Es Kutzschteddel Fescht!

Letschde Woch bin ich heem gfaahre um en ganze Woch mit der Familye zu hawwe. As ich daheem waar, waar es Kutzschteddel Fescht am geh.

Ich hab gedenkt as ich selle Yaahr es Fescht bsuche daet. Es Fescht is selle Yaahr vun der 27 Yuni bis zu 5 Yuli gewest. Es gebt so viel uff em Fescht zu sehne. Es gebt Kunschtler vun alle Satte Kunscht. Es gebt aa viel zu esse un drinke. Mer kann viel datt aa lanne. Es gebt viel “Lebendige Gschichtsleit.” Die hen viel vun der Kuldur un Gschichte die Deitsche ausglegt.

Im Blatz vun viele Wadde, waerd ich Pickders vun meim Daag uff em Fescht weise. Ich muss aagewwe as es Kutzschteddel Fescht en gute Ding is. Es bringt viel Leit vun alliwwer die Naard-Oscht zamme. Ich hab Leit vun Nei Yarrick, Nei Jersey, Maryland un viel annere Schtaate gsehne.  Ich hab aa en Familye vun Kalifornia gedroffe…aye aye aye, sie sin weit kumme! Gell?

Fer meh Information iwwer em Fescht, bsuche selle Website: Kutzschteddel Fescht.

Do sin ee paar Pickders:

Do is en Fraa am Schnerrenschnitte.
Do is en Fraa am Schnerrenschnitte.
Do is en Heffemacher.
Do is en Heffemacher.
Es hot viel Scheier Schtanne gewwe.
Es hot viel Scheier Schtanne gewwe.
Do is en Daadi un sei Sohn. Sie sin am Schtiel mache.
Do is en Daadi un sei Sohn. Sie sin am Schtiel mache.
Meh Scheier Schtanne.
Meh Scheier Schtanne.
Die Grossdaadi Grundsau Lodge waar nadierlich datt.
Die Grossdaadi Grundsau Lodge waar nadierlich datt.
Viel Kariche hen gleene Essbletz uff em Fescht.
Viel Kariche hen gleene Essbletz uff em Fescht.

Do sin en paar Pickders vun der Gwilt Scheier:

Es hot zo viel Gwilts gewwe...es waar unglaablich!
Es hot zo viel Gwilts gewwe...es waar unglaablich!
Do sin en paar Weibsleit am gwilde.
Do sin en paar Weibsleit am gwilde.
Es hot aa en Gwilt Vendu gewwe. Do is en Gwilt fer die Vendu: nidderschte Gebott is $1,000!
Es hot aa en Gwilt Vendu gewwe. Do is en Gwilt fer die Vendu: nidderschte Gebott is $1,000!
Mer kann aa eppes vun unsre Schprooch lanne.
Mer kann aa eppes vun unsre Schprooch lanne.

As eich sehne kennt, gebt es viel zu duh un sehne bei em Fescht. Vielleicht naegschde Yaahr waert eich geh?

* Geb Acht! Es waerd ken Poscht naegschde Woch gewwe. Ich geh am Vacation nooch Kanadaa fer 9 Daage. Die naegschde Poscht waerd iwwer meinre Rees sei.

4 thoughts on “Es Kutzschteddel Fescht!

  1. Guuden Tag allzamme,

    ich heb aa emol widda gugge messe was bei eich driwwe so neis gibt. Scheene Bildlin (Pickders) hosch do ausgwisse. Arrig scheeh isch des mit de cusswords. Himmel-Heilich-Dunnerwedder, gschpessisch!

    Viel Gries vunn dohiwwe! unn eh guudi Zeid drowwe in Kanada.
    Maik

  2. Proudfoot :> 17/07/2009 — 13:43

    Fa flucha in deitsh goot lanna, ich wunnah eb’s Recordings sinn mit flucha in normal conversation? You know, dayt bessah gleicha see hayra eb es ich see yoosa dayt, fa see really goot yoosa! :>

  3. Proudfoot :> 17/07/2009 — 13:47

    Kanadaa, “gell?”…. gaysht du nooch Qwebeck?

  4. Guder Daag Proudfoot!

    Nee, ich geh net nooch Qwebeck. Ich gehe nooch Nova Scotia, Prince Edward Island un Nei Brunswick. En ganze Report kummt naegschde Woch.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close