Deitsche Kunscht an der Schul!

En gude Freind vun mir ist Kunschtschulmeeschdern. Sie arewet an en annere Schul as mir. Sie laernt Kinner vun Kindergarten bis Zwelfde Yaahr. En Owed waar sie bei mir fer Owed-esse. Sie hot en Daafschein vun meim Gross-Gross-Grossdaadi gsehne. Sie hot gedenkt as es so schee waar. Ich hab sie glee bissel iwwer Fraktur ausglegt. Sie hot graad gsaat, sell is eppes as ich mit mei Kinner mache kann.

Sie hot entscheidt as sie en Fraktur / PA Deitsche Unit mit ihre Fimfde bis Achdel Yaahr Klaesse mache waerd. Sie hot aagfaange mit en Paar Frooge. Sie hot wisse gewollt wie viel vun ihre Kinner Deitsche waar odder was die Kinner vun de Deitsche schunn wisse. Sie hot en Lesson iwwer die Deitsche un Amische gewwe. Sie hot die Kinner viel Beischpiele vun Fraktur gewisse. Sie hot viel iwwer die Farewe un Images gschwetzt. Sie hot aa iwwer Scheier-Schtaerne gschwetzt. Sie hot aa entscheide as die Fimfde un Sechsde Yaahr Scheier-Schtaerne mache daete un die Siwwede un Achdel Yaahr Heiraat-/Gebotsdaagscheine mache daete.

Sie hot ihre Kinner viel Practice-Schticke mache ghatt. Am End hot sie gsaat as yeder Kind sei eegene Fraktur Schtick erschaffe waerd. Die Unit hot iwwer vier Woche ausgedauert. Die Kinner hen gemisst Wasser-Farewe un Farewe-Bleipensils zu yuuse. Die Kinner waare zugschproche ihr eegene Images un Farewe zu yuuse, die ihr eegene Glaawe un Familye schpiggle.

Wann alles faddig waar, hen sie en Mini-Museum in die Klaessschtubb ghattt. All de Kinner hen die annere Kinners Kunscht gsehne.  Nooch die Mini-Museum, hot all de Kinner Melassichriwwelboi un Whoppy-Pies gesse. Die Schulmeeschdern waar sehr froh mit alles. Sie hot gsaat as die Kinner sehr gut geduh hot. Ich bin froh as die Kinner eppes neies gelannt hen, abaddich eppes iwwer uns Deitsche un unser Kunscht!

Do sin Pickders vun de Scheier-Schtaerne: (Es dutt mir leed, awwer ich kann die Pickders net umdrehe!)

En Bu is am zeichne.
En Bu is am zeichne.
Es Maedel is am aaschtreiche.
Es Maedel is am aaschtreiche.
En annere Maedel is aa am aaschtreiche.
En annere Maedel is aa am aaschtreiche.

Do sin Pickders vun de Fraktur:

En Heiraatssche
En Heiraatsschein
En Heiraatsschein
En Dodschein
En Dodschein
En Heiraatschein
En Daafschein
En Daafschein

Ich denk die Kinner hen sehr gut geduh! Sie sin aa sehr creative. Ich hoff as eene Daag die Kinner kennt die Kunscht aa in Deitsch duhe. Awwer, fer nau, die Englisch is besser als nix! Wie hoscht du die Kunscht gfunne?

4 thoughts on “Deitsche Kunscht an der Schul!

  1. Ich finn’s awwer arrig gut as dei Freind eppes mit der Deitsch Kultur macht. Die Kinner lanne es verleicht net deheem.

    En Frog: ich hab immer gmeent as mir saage sett: “Sie ‘schafft’ an en annere Schul as mir.” un net “arewet”?

  2. Ich finn es aa arig gut. Ich hoff as die Kinner viel Schpass ghatt.

    Schaffe un arewe sin die gleiche. Daheem in Barricks Kaunty yuust mer schaffe meh as arewe. Awwer ich hab arewe selle Mol gyuust. Naegschde Mol, yuus ich schaffe!

  3. texasdeutsch 18/06/2009 — 19:56

    Ah! Das ist so schön. Lehren Sie nun die Sommerschule? Vielleicht als eine Aktivität in seiner Klasse die Studenten könnten Scheine auf Deutsch machen?

  4. ja, find Fraktur immer schwer zu lesen, aber ist doch schoen!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close