Well, der Summer is schier gaar do, un sell bedeidet viele grosse Filme waerre in die Theaters sei. Es is schunn begonne. Star Trek un Wolverine hen schunn iwwer $101 Milliyuun gemacht! Sell is hart zu glaawe awwer sell is Waahrheit!
Mei Frooge fer eich selle Woch is: fer was gebt es ken Filme mit de Deitsche zu duh? Sin mir zu langweilich en Film driwwe zu mache? Ich kenn yuscht en Hollywood Film der eppes mit uns zu duh hot. Selle Film waar Witness mit dem Harrison Ford. Ich bin sicher as die meiste vun eich hett selle Film gsehne! Es waar sehr gut gemacht un hot viel Geld verdient. Witness waar in 1985 gemacht. Ich denk es is Zeit fer en annere Film iwwer die Deitsche rauszukumme…Gell?
Ich glaab die grosse Problem is was waerd die Gschichte sei? Heitzudaage muss die Filme viel Action hawwe. Uns Deitsche sin eigetlich net so eiferichdich. Es is aa wichdig fer en Film viel Blut un viele Flinte zu hawwe…widder sin mir net so “Schiess Froh”. Na ya mir yaagt gaern awwer sell is es….net meh.
Yawell ich glaab es waerd ken deitsche Film gewwe. Hett eich Gedanke fer en neie Deitsche Film? Waerd es lecherlich, bedauerlich odder viel Action hawwe? Loss mol en Comment mit deine Gedanke odder en gute Naame fer en neie Deitsche Film.
PA Dutch 101 
Ich glaab a Gschicht waerd glei gfunne sei. Guck amool uff die “fourty-eighters”: http://en.wikipedia.org/wiki/Forty-Eighters
Als do hiwwe in Deitschland 1848 en Uffschtand (like the French Revolution)zammegebroche isch hewwe viel vunn denne Leit niwwa uff Amerika geh messe unn sinn zum Teil beriehmt worre (Carl Schurz, Friedrich Hecker). Die hewwe sellemools in Deitschland verr Freiheit unn Demokratie gekaempft. Ich weess awwa net ob ma die aa zu de Pennsilfanni Deitsche zaehlt.
Des deet halt was historisches gewwe und ma breecht Milliyuune vunn Dollars 😉
Griess vunn Deitschland
Maik
Verleicht en deitsch Version von “Kinner vun em Welschkann”? (awwwer do watt’s bescheid “Siesswelschkann” heese misse!)
Es wäre toll, wenn jemand ein Film über die Plain- und Fancy- Deutsch während der Zeit der amerikanischen Revolution. Es gab viele Schlachten in Pennsylvanien und einige in und um Lancaster County. Zu dieser Zeit die Schlachten in dem County haben viel Drama gemacht. Besonders weil 30,000 der britischen Truppen eigentlich hessischen Truppen waren!