Selle Wochenend bin ich uff em Rutsch gfaahre. Ich bin nooch Lebnen uff em Samschdaag gange. In Lebnen hot es dem varzeht Deitsch Fescht uff em HAAC Campus gewwe. Ich bin um 9 Uhr aakumme un hab graad viel Leit gsehne. Es hot viel Esse gewwe un aa viel Stands. Die Stands hen viel zu verkaafe. Die Esse un Handwerke waar sehr gut. Mer kenn Fraktur, Scheerenschnitte, Scheier Schtaerne un Bicher kaafe. Hitz’s Marrick hen die Middaag-esse ghatt.
Uff em halwe zehe hot der Nei Dolpehock Sanger Chor gsunge. Sie hen viel Lieder gsunge. Sie hen patriodische Myusick wie “Des Land is mei Land” ausgfiehrt. Sie hen aa Volkslieder wie “Heyli Heylo” un Karrichlieder gsunge. Die Chor is vun alde Leit gemacht awwer sie kenne nooch gut singe.
Nooch der Nei Dolpehock Sanger Chor gsunge hen, hot der Patrick Donmoyer en Rede gewwe. Er hot sei Presentation “Barn Stars: A Photographic Survey and Critical Analysis of PG Folk Art Iconography” gewwe. Er hot gsaat as er schunn Pickder vun iwwer 400 Scheier in Barricks Kaunty gnumme hot. Er hot viel vun der Gschicht die Scheier Schtaerne ausglegt. Er hot aa ausglegt wie die Sunn die Scheier Schtaerne un die Farewe ennere. Er hot ausgfunne as die Scheier Schtaerne net bloss uff em Drauss vun Scheier gewwe hot, es gebt aa Scheier Schtaerne drinnen! Am End hot er iwwer die Symbolism vun Scheier Schtaerne gschwetzt.
Der naegschde Vordraager waar der Keith Brintzenhoff. Er hot vun der Myusick die Deitsche gschwetzt. Er hot gsaat as es sechs Satte vun PD Myusick gebt: Karrichlieder, Feierdaagelieder, Kinnerlieder, Mann un Fraa Lieder, Arewet Lieder un Schpassiche Lieder. Er hot viele Instrumente aa mitgebrocht wie: en Gitar, Banjo, Maulariyel, Geig, Zither, Dulcimer un en Autoharf. Er hot viel Lieder gschpielt um die Instrumente zu weise. Am End hot er en PD Version vun Jimmy Buffet’s “Margaritaville” gsunge.
Uff em een Uhr hen die Brethren Heritage Singers en katze Konzert gewwe. Sie hen aldi Bruderische Karriche Myusick gsunge. Sie hen “accapella” (mitaus Instrumente) gsunge. Ihre Schtimme waare ganz schee zu heere. Es waar wie Engel am singe waare!
Am End der Daag hen die “Schwadore Schalle” gsunge. Sie sin en Kinnerchor vun Lebnen. Die Alice Spayd is die Direktor. Sie hen viel Lieder gsunge. Es waar wunnerbaar gleeni Kinner in die Mudderschprooch singe zu heere! Sie hen aa Props ghatt. Wann sie “Yakob sei Leeder” gsunge hen, hen en paar vun de Kinner die Audience gewisse wie mer mit em Yakobs Leeder schpielt.
Ich kann ehrlich saage, as ich viel Schpass in Lebnen ghatt hab. Ich hab aa viel glannt. ‘Sis allsfatt gut zu wisse as es viel Leit nooch mit der Mudderschprooch am Arewet sin. Ich bin schunn uffgeregt uff em naegschde Yaahr widder nach Lebnen zu faahre.
Do sin meh Pickders vun der Fescht:
PA Dutch 101 
Ich muss es negscht Yaahr mitmache!
Du settscht. Sell is arrig gut!