Selle Woch waar es widder Zeit Faasnachts zu mache. Faasnachts sin gleene Kuche, die aus en Grummbieredeeg gemacht sin. Mann esst Faasnachts uff em Dinschdaag eb Ascher Mittwoch. Faasnachts kenne deieckich odder viereckich sei. Mann saagt as die dreieckiche represente die Dreieenichkeit un die viereckiche represente die vier Effengelien.
Wann mann Faasnachts mache will, braucht mann Grummbiere, Millich, Oier, Salz un Satz. Vun selle Dinge macht mann der Deeg. Dann muss mann der Deeg uffkumme losse. Wann der Deeg uffkumme is, dann muss mann der Deeg ausdreele, dann kann man der Deeg schneide. Nooch man der Deeg ausgedreelt hot, un die Faasnachts gschnidde hot, kummt die Brodezeit.
Mann muss die Faasnachts in heese Eel brode, bis sie goldebraun sin. Wann alles faddich is, kann man die Faasnachts endlich esse! Es gebt zwee Wege Faasnachts zu esse, mann kann sie in vermaahlde Zucker decke odder mitaus Zucker. Die traditionele Weg is mitaus Zucker, un dann in halb schneide un mit Butter und Sirrop esse. Mmmm…es gebt nichts besseres odder so appeditliche as frische Faasnachts!
Mir sin ready der Deeg auszudreele.
Der Kevin dreelt der Deeg aus un die Jess is ready die Faasnachts auszuschneide.
Die Faasnachts in heese Eel. Sie sin nooch net ready auszukumme.
Ich un die Peggy am Brode. Mir hen schunn ee Paar Faasnachts die faddich sin.
Do sin die Faasnachts. Nau is es Zeit zu esse!
PA Dutch 101 
Even though I cannot read any of the text I very much enjoyed the images. I do not recognize the helpers (save one) or the location (HS?). ‘Reading’ your blog makes me quite out-of-the-loop … on well … what’s a person gonna do? Keep the images coming.